თანამშრომლების უსაფრთხოება და კეთილდღეობა უმნიშვნელოვანესია. როგორც დამსაქმებელი, თქვენი პასუხისმგებლობაა შექმნათ უსაფრთხო და ჯანსაღი სამუშაო გარემო თქვენი გუნდისთვის. წლების განმავლობაში, შრომის უსაფრთხოების კანონები და რეგულაციები უფრო გამკაცრდა. ეს ბლოგი შეისწავლის შრომის უსაფრთხოების ძირითად კანონებსა და რეგულაციებს, რომლებსაც ყველა დამსაქმებელი კარგად უნდა იცნობდეს.

საქართველოში სსიპ შრომის ინსპექციის სამსახური უწევს ზედამხედველობას შრომის უსაფრთხოების ნორმების აღსრულებას.

გადამწყვეტი მნიშვნელობა აქვს შრომის ინსპექციის სამსახურის მიერ განხორციელებული ინსპექტირებისას თქვენი ვალდებულებების გაანალიზებასა და აღსრულებას, მათ შორის უსაფრთხო და ჯანსაღი სამუშაო სივრცის უზრუნველყოფას, ტრენინგების ორგანიზებას და სამუშაოსთან დაკავშირებული დაზიანებებისა და დაავადებების შესახებ ჩანაწერების შენარჩუნებას.

საფრთხეებთან დაკავშირებული კომუნიკაციის სტანდარტი მოითხოვს დამსაქმებლებისგან, რომ თანამშრომლებს მიაწოდონ ინფორმაცია სამუშაო სივრცეში არსებული საშიშროების შესახებ, მაგალითად სასიში ქიმიური საშუალებები, რომელთან დაკავშირებით, უპირველეს ყოვლისა, უნდა არსებობდეს უსაფრთხოების საინფორმაციო ფურცელი (MSDS). ეს უზრუნველყოფს, რომ თანამშრომლებმა გააცნობიერონ პოტენციური რისკები და მიიღონ აუცილებელი ზომები.

ინდივიდუალური დაცვის საშუალებები (PPE)

პერსონალური დამცავი აღჭურვილობის გამოყენება აუცილებელია თანამშრომლების  საფრთხისგან დასაცავად. დამსაქმებლებმა უნდა უზრუნველყონ PPE-ს მიწოდება და სათანადო გამოყენების კონტროლი, როგორიცაა ჩაფხუტი, ხელთათმანები, უსაფრთხოების სათვალეები და საჭიროების შემთხვევაში რესპირატორული დაცვა.

აუცილებელია რეგულარული ინსპექტირება პოტენციური საფრთხის გამოსავლენად და გამოსასწორებლად.  გადაუდებელი სამოქმედო გეგმები  გადამწყვეტია სამუშაო ადგილზე სხვადასხვა საგანგებო სიტუაციებზე რეაგირებისთვის. ეს გეგმები უნდა არსებობდეს ხანძრის, ქიმიური, ბუნებრივი კატასტროფების და სხვა პოტენციური კრიზისების მოსაგვარებლად.

დამსაქმებულებმა უნდა უზრუნველყონ, რომ თანამშრომლები იყვნენ გაწვრთნილი და იცოდნენ ამ გეგმების შესახებ.

ჩანაწერების წარმოება და ანგარიშგება

სამუშაო ადგილის დაზიანებებისა და დაავადებების ზუსტი ჩანაწერების შენარჩუნება სავალდებულოა კანონმდებლობით. დამსაქმებლებმა უნდა შეატყობინონ ზედამხედველ ორგაანოს  დაზიანებებისა და დაღუპულების შესახებ და უნდა შეინარჩუნონ ეს ჩანაწერები კანონით დადგენილი ვადით. დეტალური ჩანაწერები ხელს უწყობს თვალყურის დევნებას და პრევენციული ღონისძიებების განხორციელებას.

დასაქმებულთა კომპენსაცია

დამსაქმებელი ვალდებულია, სამუშაო სივრცეში დაზარალებული პირებისათვის უზრუნველყოს სათანადო კომპენსაცია.

უსაფრთხოების ტრენინგი

სათანადო ტრენინგი გადამწყვეტია სამუშაო ადგილის უსაფრთხოებისთვის. დასაქმებულებს უნდა ჩაუტარდეთ ტრენინგი აღჭურვილობის გამოყენების, უსაფრთხოების პროცედურების და სახიფათო მასალების დამუშავების შესახებ. ტრენინგები და სასწავლო პროგრამები უზრუნველყოფს თანამშრომლების მომზადებას სხვადასხვა სიტუაციებისთვის.

დამსაქმებლებმა სერიოზულად უნდა მიიღონ შრომის უსაფრთხოების კანონები და რეგულაციები. ამ კანონების დაცვით , თქვენ არა მხოლოდ იცავთ თქვენს თანამშრომლებს, არამედ იცავთ თქვენს ბიზნესს სანქციებისგან  და სამართლებრივი შედეგებისგან.  უსაფრთხო სამუშაო გარემოს შესაქმნელად ინფორმირებულობა და პროაქტიულობა  არის მომგებიანი ნებისმიერი თანამშრომლისთვის.

გაითვალისწინეთ, რომ კანონი შეიძლება შეიცვალოს, ამიტომ პროფესიული რჩევების მოძიება გონივრული მიდგომაა. შრომის უსაფრთხოების პრიორიტეტი არ არის მხოლოდ სამართლებრივი მოთხოვნა. ეს არის მორალური ვალდებულება და ჯანსაღი ბიზნეს პრაქტიკა, რომლიც ხელს უწყობს ჯანსაღი და პროდუქტიული სამუშაო გარემოს შექმნას.